ကျန်းမာရေးဝန်ကြီးဌာနနှင့် မန္တလေးဒေသကြားကာလအုပ်ချုပ်ရေးကောင်စီတို့ တွေ့ဆုံ

အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာနနှင့် မန္တလေးဒေသကြားကာလ အုပ်ချုပ်ရေးကောင်စီတို့သည် ၂၀၂၆ ခုနှစ်၊ ဇန်နဝါရီလ ၁၂ ရက်နေ့တွင် ရင်းနှီးပွင့်လင်းစွာ တွေ့ဆုံဆွေးနွေးခဲ့ကြပါသည်။

အစည်းအဝေးသို့ ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာရွှေပုံ၊ ဒုတိယပြည်ထောင်စုဝန်ကြီး ဒေါက်တာ ခင်မောင်လွင်၊ မန္တလေးဒေသ တိုင်းကျန်းမာရေး တာဝန်ခံများ၊ ရုံးအဖွဲ့များ တက်ရောက်ကြပြီး မန္တလေးဒေသကြားကာလအုပ်ချုပ်ရေးကောင်စီမှ ဥက္ကဋ္ဌ ဦးမြင့်အောင်မိုး၊ ဒုတိယဥက္ကဋ္ဌ ဦးအောင်မျိုးလတ်၊ ကျန်းမာရေးဌာနကြီးမှူး ဒေါက်တာအောင်ကျော်ဦး၊ အတွင်းရေးမှူး ကိုဌေးတို့ တက်ရောက် ဆွေးနွေးကြပါသည်။

ယင်းအစည်းအဝေးတွင် မန္တလေးဒေသအတွင်း ကျန်းမာရေးစောင့်ရှောက်မှုလုပ်ငန်း ဆောင်ရွက်နေမှု များ၊ စိန်ခေါ်ချက်များ၊ ရှေ့ဆက်၍ ပူးပေါင်းဆောင်ရွက်ရမည့် လုပ်ငန်းစဉ်များကို ဆွေးနွေးတိုင်ပင်ခဲ့ကြပါသည်။