ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီ ဖွဲ့စည်းမှုအား ကြိုဆိုကြောင်း ထုတ်ပြန်ကြေညာချက် (၁/၂၀၂၆)

Statement

The English version of this text is not available yet. It is shown in Myanmar.

၁။ အမျိုးသားညီညွတ်ရေးအစိုးရ၊ ပြည်ထောင်စုလွှတ်တော်ကိုယ်စားပြုကော်မတီနှင့် တိုင်းရင်းသား တော်လှန်ရေးအဖွဲ့အစည်း (ERO) များက ဦးဆောင်၍ ၂၀၂၆ ခုနှစ်၊ မတ်လ ၃၀ ရက်နေ့တွင် ဖွဲ့စည်း ခဲ့သည့် ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီအား လှိုက်လှဲစွာ ကြိုဆို ပါသည်။

၂။ ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီအနေဖြင့် “မူဝါဒ တရပ်တည်း၊ မဟာဗျူဟာ တရပ်တည်း - One policy, one strategy” မူဝါဒဖြင့် လက်ရှိတော်လှန်ရေး အခင်းအကျင်းအရ အရေးတကြီးလိုအပ်လျက်ရှိသော စုစည်းညီညွတ်မှုကို အကောင်အထည်ဖော်၍ စစ် အာဏာရှင်စနစ် အမြစ်ဖြတ်ရေးနှင့် ဖက်ဒရယ်ဒီမိုကရေစီပြည်ထောင်စု တည်ဆောက်ရေးလုပ်ငန်းများကို စွမ်းစွမ်းတမံ ဆောင်ရွက်နိုင်ပါစေကြောင်း ဆန္ဒပြုအပ်ပါသည်။

၃။ မန္တလေးဒေသကြားကာလအုပ်ချုပ်ရေးကောင်စီသည် မန္တလေးဒေသမှ ရွေးကောက်ခံလွှတ်တော် ကိုယ်စားလှယ်များအပါအဝင် တော်လှန်ရေးအင်အားစုအသီးသီး ပါဝင်ရေးဆွဲခဲ့သည့် မန္တလေးဒေသ ကြားကာလနိုင်ငံရေးအစီအမံအရ ဖွဲ့စည်းခဲ့သော ဖက်ဒရယ်ယူနစ်အဆင့် ကြားကာလအစိုးရဖြစ်ပြီး ဖက်ဒရယ်ဒီမိုကရေစီပြည်ထောင်စုပေါ်ထွန်းရေး ဦးဆောင်ကောင်စီနှင့် ပူးပေါင်းဆောင်ရွက်သွားရန် အသင့်ရှိပါသည်။

မန္တလေးဒေသကြားကာလအုပ်ချုပ်ရေးကောင်စီ